Gjatë muajve të luftës së errët dhe rraskapitëse që vrau dhjetëra mijëra ushtarë nga të dyja anët, Bakhmuti ka qenë një nga betejat më të rëndësishme.
Edhe këtu, bashkë me dy operacionet më të rëndësishme ukrainase si mbrojtja e Kyivit dhe ofensiva e befasishme në rajonin e Kharkivit, ka udhëhequr gjeneral Oleksandër Sirski, komandanti 57-vjeçar i forcave tokësore të Ukrainës.
Dhe përgjegjësia operacionale për ofensivën e ardhshme do të jetë gjithashtu mbi supet e tij.
closevolume_off
Oleksandër Sirski është një figurë asketike dhe në kontrast të fortë me gjeneralët rusë kundër të cilëve ai është në luftë. Para luftës, ai jetonte në një apartament në Kyiv me gruan e tij Tamara dhe djalin Oleksandër, fiton rreth 14,000 £ në vit dhe drejton një Renault Mégane të vitit 2017. I lindur në një fshat në rajonin e Vladimirit të Rusisë kur ishte ende pjesë e BRSS, Sirski është njohës i mirë i metodave sovjetike dhe tani ruse të luftës.
“Drejtimi i luftës çon në fitore,” shkroi komandanti javën e kaluar, duke parafrazuar teoricienin prusian të luftës të shekullit të 19-të, Carl von Clausewitz. Ai, ashtu si von Clausewitz, shpesh thekson rëndësinë e moralit dhe aspekteve psikologjike të luftës. Kur ushtria ukrainase, përsëri e udhëhequr nga Sirski, të sulmojë linjën e mbrojtjes 900 kilometra të Rusisë këtë verë, ka të ngjarë të përdorë një qasje të ngjashme, por këtë herë rusët kanë pasur disa muaj kohë.
Mbetet për t’u parë nëse Sirski i ka lodhur rusët në Bakhmut, por të paktën vendi i tij në librat e historisë është i sigurt.
Reputacioni i një komandanti krijohet në luftë dhe Oleksandër Sirski tashmë ka bërë mjaftueshëm për t’u mbajtur mend si një nga më të mirët në këtë luftë.