fbpx
0.3 C
Pristina
E martë, 31 Janar, 2023

Kurti për gazetën italiane: S’mund ta kompensojë Serbinë për luftën e humbur më 1999

- Advertisement -

Duhet Lexuar

Kryeministri i Republikës së Kosovës, Albin Kurti, nuk po ndalet së dhëni intervista për mediat ndërkombëtare. Më e fundit që u publikua është ajo në gazetën italiane “La Stampa”. Çka thuhet në atë artikull?

Natyrisht, kryeministri nuk mund të mos përsëriste fjalët e njëjta që kishte thënë për muaj e muaj me radhë në dhjetëra intervista tjera.

- Advertisement -

Ai përmendi përparimin e Kosovës në Indeksin e Perceptimit të Korrupsionit dhe në lirinë e medies derisa i mëshoi tezës se zhvillimi ekonomik me demokracinë shkojnë bashkë.

“Normalizimi i raporteve duhet ta ketë njohjen reciproke në qendër. Serbia duhet ta njohë Kosovën. Besoj që propozimi i BE-së i shtatorit të vitit të kaluar mund të shërbejë si bazë e mirë për diskutime të mëtejme…” – u shpreh Kurti.

Por, ka një problem: propozimi i BE-së (franko-gjerman) nuk e përmban njohjen de jure nga Serbia?

Kurti fatkeqësisht nuk u pyet për një gjë të tillë.

- Advertisement -

Kryeministri u shpreh edhe në lidhje me Asociacionin e Komunave me Shumicë Serbe. A do ta formonte Zajednicën?

“Paraardhësit e mi i kanë nënshkruar 33 marrëveshje për dhjetë vjet në bisedimet në Bruksel. Një prej tyre është Asociacioni… e vetmja që nuk e ka kaluar testin e Gjykatës Kushtetuese… Besoj që Kosova garanton të drejtat e pakicave në shkallën më të lartë. Veçanërisht për komunitetin serb… Një Asociacion etnik i komunave shkon kundër frymës së Kushtetutës tonë,” – tha ai në përgjigjen e tij.

Kurti po ashtu ngulmoi që Serbia nuk dëshironte marrëveshje me Kosovën dhe për atë arsye po krijonte tensione.

- Advertisement -

“Unë nuk mund ta kompensoj Serbinë për humbjen e luftës në vitin 1999,” – ishte fjalia goditëse e tij në këtë përgjigje.

Po ashtu, kryeministri i Kosovës e denoncoi edhe despotin rus Vladimir Putin se e kishte “obsesion Kosovën”.

I pyetur se cilën anë po zgjedhte Serbia, Kurti ishte krejtësisht i qartë: Rusinë.

“Serbia e ka bërë zgjedhjen e saj. Ata kanë nënshkruar tri marrëveshje të mëdha me Rusinë…” – u shpreh ai.

- Advertisement -

Të fundit

Nacionale: Vlera e koeficientit publikohet nesër, kaq pritet të jetë

Zyrtarët publikë pritet shumë shpejt që të mësojnë se sa do të paguhen në fund të vitit, pas një...
- Advertisement -

Më shumë

- Advertisement -