14.1 C
Pristina
Saturday, October 1, 2022
- Advertisement -

Kurti dha leje që Bërnabiq të vizitojë Kosovën, menjëherë merr ftesë ta vizitojë Luginën

Kryetari i Preshevës, Shqipërim Arifi i ka bërë ftesë zyrtare kryeministrit të Kosovës, Albin Kurti për një vizitë dy ditore te shqiptarët në Luginën e Preshevës.

Këtë ftesë Arifi e parashtroi në ‘Twitter’. Ai ftoi Kurtin menjëherë pasi Ministria e Punëve të Jashtme dhe Diasporës t’ia konfirmonte vizitën për në Kosovë kryeministres së Serbisë, Ana Bërnabiq.

- Advertisement -

“Ftoj kryeministrin Albin Kurti për një vizitë zyrtare dy-ditore tek shqiptarët në Luginën e Preshevës”, ka shkruar Arifi në ‘Twitter’.

Me ose pa Kurtin, është raportuar se zëvendëskryeministri i Qeverisë, Besnik Bislimi, bashkë me ministren e Arsimit, Arbërie Nagavcin, do ta vizitojnë Luginën e Preshevës të hënën.

Kurti përkundër që ka thënë se do t’u ofrojë mbështetje shqiptarëve të Bujanocit dhe Luginës së Preshevës, ende nuk i ka vizituar ata si kryeministër.

- Advertisement -

Madje, është kërkuar edhe që përfaqësuesit e shqiptarëve të Luginës të marrin pjesë në dialogun Kosovë-Serbi, mirëpo një gjë e tillë nuk ka ndodhur.

- Advertisement -
Të fundit
- Advertisement -
Lajme të lidhura
- Advertisement -