17.7 C
Pristina
Wednesday, August 10, 2022

Konfiskoi traktorin jashtëligjshëm cilësinë e përmbarueses, ngrihet aktakuzë ndaj zyrtares në Prizren

Prokuroria Themelore në Prizren ka ngritur aktakuzë ndaj S.K., person zyrtar, pasi që e njëjta po akuzohet për “Keqpërdorim të pozitës apo autoritetit zyrtar”.

Një gjë e tillë është bërë e ditur nga vetë Prokuroria e Prizrenit me anë të një komunikate për media, teksa ka dhënë detaje edhe se si e akuzuara ka vepruar në kundërshtim me Ligjin për Procedurën Përmbarimore.

“Sipas aktakuzës, e pandehura S.K., si person zyrtar duke shfrytëzuar detyrën apo autoritetin zyrtar në cilësi të përmbarueses private, i tejkalon kompetencat e saj me qëllim që të përfitoj dobi për vete ose për personin tjetër apo që t’i shkaktoj dëm personit tjetër, në atë mënyrë që me datë 22.12.2021 rreth orës 10:00, në kundërshtim me Ligjin për Procedurën Përmbarimore, në oborrin e shtëpisë së të dëmtuarit Xh.G., nga fshati Studenqan – Komuna e Suharekës, urdhëron përmbarimin në objektin e papërshtatshëm, e konfiskon traktorin e tipit “Hurliman” duke mos qenë pronë e të dëmtuarit por pronë e tani të ndjerit H.B., nga fshati Reshtan – Komuna e Suharekës, të cilin e dërgon në pllacin ndërtimor të kreditorit B.G., NPT “L.”, në rrugën e Reshtanit të Suharekës”, bëhet e ditur në komunikatë.

“Me këto veprime e pandehura ka përmbushur elementet e veprës penale “Keqpërdorimi i pozitës apo autoritetit zyrtar” sipas KPRK-së”, përfundon komunikata.

Të fundit
Lajme të lidhura