Leonard Ademaj, vëllai i të ndjerës Liridona Ademaj, ka thënë se ende s’kanë marrë përgjigje për kërkesën e tyre për zhvarrosjen e saj nga fshati i bashkëshortit të saj, Naim Murseli, që dyshohet se e porositi vrasjen e saj.
Ai tha se prokuroria duhet të nxitojë sepse familjarët e Liridonës janë në gjendje të rëndë emocionale dhe zhvarrosja e saj do t’ia lehtësonte sadopak.
Murseli dhe të tjerët sot dolën para gjykatës për të mbajtur seancën e parë dëgjimore.
Ata janë sjellur në gjykatë në rrugë të fshehura.
Nuk është lejuar prania e mediave në këtë seancë.
Madje as familjarët e viktimës nuk janë lejuar në seancë, pasi që në seancë dëgjimore një gjë e tillë nuk mundësohet, por vetëm në seanca tjera familjarët e viktimës duhet të parashtrojnë kërkesë për pjesmarre kur të ka gjykim.
