7.7 C
Pristina
E mërkurë, 7 Dhjetor, 2022
- Advertisement -

Kërkesat e Zelensky-t zemërojnë Biden, presidenti amerikan humbi durimin: Po tregohemi mjaft bujar

Në mediat e huaja po qarkullojnë lajme se presidenti amerikan joe Biden e humbi durimin me Volodymyr Zelensky gjatë një telefonate në qershor, kur udhëheqësi ukrainas thuhet se kërkoi ndihmë të mëtejshme.

Burime thanë për NBC News se presidenti Biden sapo i kishte thënë Zelenskyt për 1 miliardë dollarë të tjera ndihmë nga SHBA, kur presidenti ukrainas filloi të listonte ndihmën shtesë që i nevojitej.

- Advertisement -

Presidenti Biden më pas e humbi durimin, kanë pohuar katër burime.

Pretendohet se presidenti ngriti zërin dhe i tha Zelenskyt se populli amerikan po tregohej mjaft bujar dhe po punuar shumë për të ndihmuar.

Një burim i brendshëm tha se Presidenti Biden ishte i drejtpërdrejtë me homologun e tij ukrainas për trajtimin e çështjeve në mënyrën e duhur, por këmbënguli se shkëmbimi nuk ishte i zemëruar.

- Advertisement -

Tre burime i thanë NBC se zhgënjimet e Presidentit Biden me Zelenskyn ishin duke u rritur çdo javë.

Megjithatë, mësohet se marrëdhënia e tyre është përmirësuar që atëherë.

Pas telefonatës së 15 qershorit, Zelenskyy publikoi një video-mesazh publik duke falënderuar Presidentin Biden për ndihmën e premtuar.

- Advertisement -

“Kam pasur një bisedë të rëndësishme me Presidentin e SHBA Biden sot. Unë jam mirënjohës për këtë mbështetje. Është veçanërisht e rëndësishme për mbrojtjen tonë në Donbas”, tha ai.

Presidenti Biden bëri gjithashtu një deklaratë duke konfirmuar 1 miliard dollarë ndihmë. Ai tha se SHBA “nuk do të lëkundet në përkushtimin ndaj popullit ukrainas ndërsa ata luftojnë për lirinë e tyre”.

- Advertisement -
Të fundit
- Advertisement -
Lajme të lidhura
- Advertisement -