0.6C
Pristina
28 Janar, 2021 - 13:30

Kalendari historik, 2 janar

Disa nga ngjarjet, njerëzit dhe datat më me ndikim në historinë turke dhe atë botërore që kanë shënuar ditën e sotme, 2 janar.

Edhe pse nuk dihet saktësisht se në çfarë date është shkrepur fotografia e parë, Hëna u pasqyrua për herë të parë në fotografi në vitin 1839 nga fotografi francez, një prej shpikësve të fotografisë, Louis Daguerre.

Në luftën ruso-japoneze në vitin 1905, baza ruse në Kinë, Port Arthur u dorëzua tek forcat detare japoneze nën komandën e Admiralit, Heihaçiro Togo. Kështu filluan edhe një sërë dështimesh që shkaktuan rënien e Perandorisë së Rusisë dhe hapën portën e Revolucionit të 1905-s.

Në Turqi, ku për të identifikuar personat, pas emrave përdoreshin tituj fetarë, socialë dhe familjarë, në 21 qershor të vitit 1934 u bë një ndryshim ligjor dhe u nxor ligji për mbiemrin. Ligji që obligonte marrjen e mbiemrit në turqisht u vu në zbatim në 2 janar 1936.

Anija e parë kozmike “Luna1” që arriti në kufijtë e hënës në vitin 1959 dhe hyri në orbitën e Diellit, u hodh në hapësirë nga Bashkimi Sovjetik. “Luna1” që do të thotë Hënë, u bë sateliti i parë i vendosur në orbitën e Diellit.

Në vitin 1975, radiot e Turqisë, të quajtura TRT1, TRT2 dhe TRT3 filluan të bëjnë transmetim nëpërmjet 3 kanaleve radiofonike.

Në vitin 1979, me punimet 5-vjeçare të arkeologëve turq dhe amerikanë, anija e parë islame e mbytur në botë u gjet në Detin Egje.Në vitin 1993, Forcat e Armatosura Turke, me thirrjen e Kombeve të Bashkuara, shkuan në Somali, ku lufta civile dhe skamja e kishin kthyer vendin në katastrofë dhe pas Koresë, ku kishin shkuar 43 vjet më parë, shkelën për herë të dytë në një tokë të huaj.

Të fundit

Të tjera nga rubrika