Imami i Pejës, Hoxhë Enes Goga nuk është pajtuar që njerëzve t’u kërkohet që të zgjedhin mes fesë dhe kombit.
Ai ka thënë shtrimi i një pyetje të tillë përbën injorancë.
Goga ka deklaruar se feja islame promovon me prioritet shërbimin ndaj atdheut.
“Feja dhe edukimi i mirëfilltë fetar, s’po flas vetëm për besimin islam, por në këtë rast besimi islam meqë jemi 96%, kërkon lart në prioritete të jetë shërbimi ndaj atdheut”, ka deklaruar ai emisionin “Jo Majtas Djathtas” në T7.
“Asnjëherë në historinë shqiptare, nuk ka qenë feja pengesë. Ne përjashtojmë rastet e izoluara”, ka deklaruar tutje ai.
Ai ka thënë se feja i ka edukuar gjithmonë njerëzit që të jenë në shërbim të atdheut dhe shoqërisë.
“Ata që e kanë zgjedhur rrugën e mos-besimit, është e drejtë e tyre, por kjo nuk i bjen që ata gjithmonë kanë të drejtë. Çdo tentativë për të bërë një lloj ndarje, për mendimin tim tregon injorancë”, ka shkruar Hoxhë Goga.