fbpx
9.8 C
Pristina
E enjte, 8 Dhjetor, 2022
- Advertisement -

HiII: Jemi të dëshpëruar që Kurti nuk e shtyu afatin për targat

Ambasadori amerikan në Beograd, Christopher Hill, thotë se është i zhgënjyer dhe i brengosur që Kryeministri Albin Kurti nuk e shtyu afatin për regjistrimin e veturave me targa legale.

“Qeveria e Shteteve të Bashkuara të Amerikës, së bashke më partnerët e saj ndërkombëtarë, ka kërkuar vazhdimisht nga Qeveria e Kosovës që të shtyjë afatin për zbatimin e riregjistrimit të veturave. Jemi të zhgënjyer dhe të shqetësuar për refuzimin e Qeverisë së Kosovës që t’i pranojë kërkesat dhe këshillën e partnerëve të saj më të afërt ndërkombëtarë, për këtë çështje”, ka thënë Hill, raporton Danas.

- Advertisement -

Hill thotë se e mirëpret vazhdimin e dialogut mes Kosovës dhe Serbinë, nën ndërmjetësimin e Brukselit dhe u ka bërë ftesë të dy palëve të vazhdojnë të marrin pjesë në dialog.

Gabriel Escobar, emisar amerikan për Ballkanin Perëndimor, ka bërë publike javën e kaluar kërkesën e tij dhe të shteteve të QUINT-it ndaj Presidentes dhe Kryeministrit që të shtyjnë afatin për regjistrimin e veturave me targa RKS për 10 muaj.

Deri tani, Kryeministri Kurti nuk ka dhënë shenja se do ta pranojë këtë kërkesë.

- Advertisement -

Qeveria ka dhënë datën 31 tetor si afat të fundit për t’i larguar nga përdorimi targat e lëshuara ilegalisht nga Serbia për qytetet e Kosovës, duke u bërë thirrje qytetarëve serbë t’i konvertojnë ato në targa legale të Kosovës.

- Advertisement -
Të fundit
- Advertisement -
Lajme të lidhura
- Advertisement -