15.7 C
Pristina
Wednesday, September 28, 2022
- Advertisement -

Greqia shënjestron me raketa avionët turq, ministri turk: “Franca dhe grekët duan të na pushtojnë, janë dyfytyrësha”

Ministri turk i Mbrojtjes, Hulusi Akar, ka bërë një mori deklaratash të forta ndaj Francës dhe Greqisë pas takimit të djeshëm Macron-Mitsotakis në Paris.

Gjatë fjalës së tij, Akar është shprehur se grekët janë duke u bërë mashë e Francës, të cilët edhe më herët kanë dashur të pushtojnë Turqinë.

- Advertisement -

Ne jemi përpjekur vazhdimisht që të ulim tensionin por grekët, duke u bërë edhe mashë e të tretëve gjithnjë gënjejnë, shpifin dhe nxisin tensionet mes nesh.

Nuk mund të flasesh nga njëra anë për negociata dhe nga ana tjetër të shënjestrosh avionët tanë me raketat ruse që i kanë në Kretë. Kjo është një politikë e njerëzve me dy fytyra”, tha ai.

Shtypi grek ka zbuluar detaje nga Marrëveshje e Bashkëpunimit Strategjik mes Francës dhe Greqisë të nënshkruar në vitin 2021 duke paralajmëruar turqit pas kërcënimeve për Iuftë gjatë ditëve të fundit.

- Advertisement -

Sipas mediave greke, marrëveshja parashikon që Franca të futet në Iuftë në krah të Greqisë në rast të një sulmi nga Turqia ndaj tokës helenë.

Një fakt i tillë është pasqyruar me tituj të mëdhenj edhe në mediat turke, të cila akuzojnë Francën për ndërhyrje në marrëdhëniet mes dy shteteve, shkruan abcnews.al.

“Milliyet”, shkruan se kështu Franca është duke ndezur edhe më tepër gjakrat në rajonin e Egjeut, ku tensioni është i lartë aktualisht.

- Advertisement -

Lexo edhe: “Mos u kruani, do sulmojmë!”, Greqia i përgjigjet Turqisë: I keni vetëm fjalë

Java e fundit ka qenë mjaft e tensionuar mes dy shteteve, ku pak më parë ministri turk Çavusoglu tha se “Greqia nuk duhej të kruhej shumë” duke paralajmëruar me Iuftë, ndërsa qeveria greke iu përgjigj dhe turqit kanë vetëm fjalë dhe se kërkojnë të manipulojnë historinë.

Dy shtetet kanë marrëdhënie të acaruara gjatë ditëve të fundit për shkak të ishujve përballë Turqisë, kërkimeve për naftë dhe gaz të kësaj të fundit, por edhe nisur nga kriza e brendshme e turqve në politikë dhe ekonomi.

Çfarë tha Çavusoglu:

“Nëse i futesh një aventurë në emër të të tjerëve, pasojat do t’i vuash sot si në të kaluarën. Ky është një paralajmërim për fqinjin tonë Greqinë. Ushtria turke, e lodhur nga vitet e Iuftës, e ka kaluar me sukses këtë test të madh atëherë. Sot kushtet tona janë të ndryshme, por kemi të njëjtin besim të palëkundur.

Të gjithë duhet të vendosin se si do të sillen. Ne i themi veçanërisht Greqisë. Mos u bëni peng i të tjerëve. Mos vazhdoni të provokoni. Sepse cilësia e miqësisë turke njihet në lashtësi, ajo e armiqësisë është edhe më e fortë”. /abcnews.al

- Advertisement -
Të fundit
- Advertisement -
Lajme të lidhura
- Advertisement -