Grafite të reja në veri “Kur të kthehet ushtria në Kosovë, Brigada e Veriut jeton”

Grafite të reja janë shfaqur sot në Mitrovicë të Veriut, Zveçan, Leposaviq e Zubin Potok.

Mediumi serb në Kosovë, Kossev, raporton se grafitet janë shkruar në zona të ndryshme të komunave.

“Kur të kthehet ushtria në Kosovë, jeton Brigada e Veriut”, thuhet në këto grafitë.

Brigada e Veriut është organizatë e shpallur terroriste nga qeveria e Kosovës.

Këto grafitë vijnë një ditë para protestës që e kanë paralajmëruar serbët në veri lidhur me dinarin.