2.3C
Pristina
2 Mars, 2021 - 01:49

Gjermania del kundër vendosjes së ambasadës së Kosovës në Jerusalem

Gjermania ka treguar edhe zyrtarisht se nuk i qëndron krah Kosovës në vendosjen e Ambasadës kosovare në Jerusalem.

Qëndrimin për këtë e kanë dhënë shkurt e qartë nga zyra e Kancelares Angela Merkel, njofton Klan Kosova.

”Qeveria e Gjermanisë e përgëzon Kosovën për njohjen nga Izraeli. Në të njëjtën kohë ne e sjellim në vëmendje qëndrimin unik që e ka Bashkimi Europian në lidhje me kryeqytetin e Izraelit dhe për këtë arsye të gjitha ambasadat e BE-së janë të vendosura në Tel Aviv”, thuhet në përgjigjen e Qeverisë nga Berlini.

BE-ja brenda vetes ka një problem të madh në raport me Prishtinës zyrtare.

Nga 27 vende anëtare pesë prej tyre nuk e pranojnë Kosovën shtet të pavarur e sovran.

Faruk Ajeti nga Instituti Austriak për marrëdhënie ndërkombëtare në Vjenë, thekson se vendet aspirante për anëtarësim në BE duhet të përshtatin politikat e tyre të jashtme me ato të Brukselit.

Por, sipas tij Europa në krejt këtë histori po tregon standarde të dyfishta karshi Kosovës kjo pasi që një vend i vogël siç është ajo nuk mund të ketë aq ndikim në skenën ndërkombëtare.

Njohja Kosovë-Izrael është derivat i zotimeve të nënshkruara për normalizim ekonomik në Shtëpinë e Bardhë më 4 shtator 2020.

Të fundit

Të tjera nga rubrika