14.1 C
Pristina
Friday, September 30, 2022
- Advertisement -

Genc Prelvukaj: Nuk ka dhe as nuk ka pasur kurrë popull Dardan

Genc Prelvukaj

- Advertisement -

Nuk ka dhe as nuk ka pasur kurrë popull Dardan (në kuptimin etnik) , siç nuk ka pasur asnjëherë popull Kaon, Enkelenj Taulant, Dokleat, Labeat etj. Të gjitha këto ishin bashkësi fisnore ilire dhe asgjë tjetër.

Flamuri i përzgjedhur nga Ibrahim Rugova është një dizajn alternativ i flamurit kombëtar shqiptar dhe nuk është flamur Dardan. Është tërësisht e pakuptimtë të mendohet që është stemë e trashëguar nga antikiteti. Një pjesë e konsiderueshme e popullsisë së Kosovës nuk rrjedh nga Dardania. Fiset e sotme si Hoti, Kelmendi, Kastrati apo Berisha, nuk kanë lidhje me Dardaninë e vjetër.

Popullsia e sotme e Kosovës është një bashkësi e shumë grupimeve fisnore shqiptare. Ka autoktonë që nga antikiteti por ka edhe të ardhur. Në Kosovë ka Mirditore e Matjanë sikurse që ka në Jug të Shqipërisë Kosovarë të vjetër.

- Advertisement -

Ne si shqiptarë kemi të kaluar të pasur e të lavdishme. Nuk kemi pse të fabrikojmë teori historike të paqena. Ndryshe bëhëmi si Bullgarët e Maqedonisë të cilët, për gaz të botës, mendojnë që kanë diçka nga populli i Aleksandrit të madh.

Dardania është pjesë e jona, por ne jemi shumë më shumë se aq. Tendenca për ta lidhur origjinën e shqiptarëve të Kosovës vetëm me bashkësinë fisnore dardane, përveç se është lajthitje historike, është rrugë e rrezikshme që çon drejt shkëputjës nga bërthama etnike shqiptare.

- Advertisement -
Të fundit
- Advertisement -
Lajme të lidhura
- Advertisement -