-4 C
Pristina
16 Janar, 2021 - 12:26

Gazeta Shneta: Vëllai i gruas së ministrit Armend Zemaj u kap duke i marr ryshfet 20 euro për teste në IKSHPK

- Advertisement -

Personi që u kap në flagrancë nga Policia e Kosovës duke marr ryshfet në Institutin Kombëtar të Shëndetit Publik është Betim Selimi, vëllai i gruas së ministrit të Shëndetësisë Armend Zemaj.

Selimi ishte punësuar nga Ministria e Shëndetësisë përmes projektit të financuar nga Banka Botërore për shëndetësinë kosovare në shtator 2020. Komisioni i pranimit përbëhej nga kryeinspektori farmaceutik Shaban Osmanaj dhe Sekretari i MSH-së Ardian Mehmetaj, shkruan Gazeta Shneta.

Gazeta ka kërkuar sqarime nga ministri Zemaj për mënyrën e punësimit të mikut të tij, por ai nuk ka kthyer përgjigje.

Betim Selimi u kap nga Policia e Kosovës duke marr ryshfet 20 euro për të përshpejtuar procedurën e rezultatit të testit PCR në Institutin Kombëtar të Shëndetit Publik.

Ai ishte punësuar në IKSHPK si staf mbështetës nga Ministria e Shëndetësisë, por më pas kishte filluar të merrej edhe me mostra.

Zemaj nuk ka dhënë sqarime as pse është marr miku i tij me çështje profesionale, ndonëse ishte punësuar si staf mbështetës. Ai nuk e ka komentuar arrestimin e tij dhe nuk ka kthyer përgjigje nëse do të jap dorëheqje nga pozita e ministrit pas këtij skandali.

Selimi u arrestua më 30 dhjetor në vendin e tij të punës në Institutin Kombëtar të Shëndetit Publik pasi u kap në flagrancë duke marr ryshfet për të përshpejtuar procedurën e marrjes së rezultatit të testit PCR.

Instituti Kombëtar i Shëndetit Publik pas arrestimit doli me një sqarim se Selimi nuk ishte laborant dhe as punonjës i këtij institucioni.

Të fundit

Të tjera nga rubrika