Operatorët ukrainas të dronëve, janë bërë lojtarët kryesorë në luftimet më të ashpra që po zhvillohen në pjesë të ndryshme të Ukrainës.
Ata nga fillimi i luftës në këtë vend, kanë arritur të shkatërrojnë shumë armë, municione e madje të vrasin mijëra ushtarë rusë.
Një video e filmuar nga ajri shfaq aksionet e operatorëve, që për objektiv kishin makinerinë luftarak të ushtrisë së Vladimir Putinit.
Në video shihen dronët kamikazë që godasin tanket, autoblindat, kamionët e madje edhe veturat e vogla brenda të cilave gjendeshin ushtarët rusë.
Në disa momente ata janë kapur duke tentuar të braktisin mjetet luftarake, derisa e shihnin se po u afroheshin dronët kamikaz.
Madje në një rast droni shpërthen pikërisht pak centimetra larg fytyrës së ushtarit, që hapi derën e kamionit në lëvizje dhe tentoi të hidhet nga mjeti transportues.