16.7 C
Pristina
Thursday, September 29, 2022
- Advertisement -

Drejtori i shkollës në Busavatë: Nagavci e ka derën hapur në çdo shtëpi, por jo Rrahman Jashari

Maliqi tregoi se shkak i ndërprerjes së grevës është kryesindikalisti, Rrahman Jashari dhe Ministrja e Arsimit të Kosovës, Arbërie Nagavci.

- Advertisement -

“Në rend të parë na ka detyruar kryesindikalisti, Rrahman Jashari të dalim nga greva, pastaj Arbërie Nagavci dhe nxënësit të cilët nuk kanë mbajtur mësim për një kohë të gjatë. Që 4 vite shkolla jonë nuk fillon me 1 shtator, për arsye të reformave të Qëndron Kastratit. Prandaj, jemi detyruar të mos e vazhdojmë grevën, pikërisht për hir të Rrahman Jasharit. Kemi dalë nga greva pa ndonjë presion të askujt”, tha Maliqi në emisionin “Ditari”.

Tutje, i pyetur cilat detyrime të Jasharaj e Nagavcit kanë bërë ta ndërprenë grevën, Maliqi tha se Jasharaj ka bërë marrëveshje në dëm të shkollave të Kamenicës, teksa Nagavci u ka ndihmuar atyre.

“Rrahman Jashari ka ardhur kur fillon Qëndron Kastrati reformat këtu, dhe ka premtuar se nuk do ketë mbyllje të shkollave. Ka thënë “unë gjithë Kosovën e Arsimit do ta ngris në këmbë për t’i mbrojtur shkollat e Kamenicës”. Ndërsa, vetëm pak orë më vonë, ka bërë marrëveshje në dëm të shkollave të Kamenicës, kjo na detyron të mos i besojmë më Rrahman Jasharit. Ndërsa, Arbërie Nagavci na ka detyruar, jo me ndonjë aparat dhune, por na ka detyruar moralisht. Ajo si një trimëreshë, ka ardhur dhe na e hapi shkollën pas të gjitha atyre mundimeve që i kemi pasur. Arbërie Nagavci e ka derën hapur në çdo të shtëpi të Busavatës, por jo Rrahman Jashari”, ka shtuar tutje Maliqi.

- Advertisement -

Shkolla në Busavatë ka qenë pjesë e reformës të nisur nga ish-kryetari Qendron Kastrati./teve1.info/

VIDEO

- Advertisement -
Të fundit
- Advertisement -
Lajme të lidhura
- Advertisement -