7.7 C
Pristina
E mërkurë, 7 Dhjetor, 2022
- Advertisement -

Autostradat në Gjermani do të prodhojnë energji elektrike

Autostradat mund të përdoren gjithashtu për të prodhuar energji elektrike duke përdorur panele diellore.

Në Gjermani këtë vit do të nisë zbatimi i një projekti pilot, në kuadër të të cilit një pjesë e autostradës do të mbulohet me module fotovoltaike.

- Advertisement -

Sipas planit, themelet për ndërtimin do të vendosen para fundit të vitit. Kompania gjermane Autobahn GmbH njoftoi se struktura e çelikut, e cila përfshin elementë fotovoltaikë, duhet të instalohet në tremujorin e parë dhe të dytë të vitit 2023.

Segmenti i parë, me përmasa 10 me 17 metra, do të ngrihet rreth 5.5 metra mbi rrugë. Struktura do të ndërtohet në një pjesë të rrugës dhe zonës së pushimit pranë qytetit të Zingen në shtetin federal të Baden-Württemberg.

Projekti pilot do të shqyrtohet për më shumë se një vit, gjatë të cilit do të kryhen matje dhe hulumtime të ndryshme dhe më pas do të analizohen mundësitë për funksionimin e vazhdueshëm të objekteve të tilla speciale.

- Advertisement -

Po kështu mendon edhe Zvicra, ku qeveria po shqyrton se cilat pjesë të autostradës janë të përshtatshme për t’u mbuluar me panele diellore. Teorikisht, të gjitha rrugët që nuk kalojnë nëpër tunele janë të pranueshme.

- Advertisement -
Të fundit
- Advertisement -
Lajme të lidhura
- Advertisement -