Është arrestuar një ish-pjesëtar i Policisë së Kosovës i nacionalitetit serb sot në Leposaviq.
- Advertisement -
Kështu ka konfirmuar për Insajderin zëdhënësi i Policisë për rajonin e veriut, Veton Elshani.
I arrestuari është G.S. të cilin policia e kërkon që nga viti 2021, për “shpërdorim të pozitës zyrtare”, pra marrje ryshfeti.
- Advertisement -
“Akuza ndaj tij për pranim të ryshfetit dhe keqpërdorim të pozitës zyrtare është ngritur në vitin 2020, por policia me urdhër të Gjykatës në Mitrovicë e ka kërkuar që nga viti 2021”, tha Elshani për Insajderin.
Pas arrestimit, ai është dërguar në stacionin policor në Mitrovicën Jugore.