8.6 C
Pristina
E diel, 4 Dhjetor, 2022
- Advertisement -

“50 deri në 100 kg eksploziv” shpërthime të pazakonta nënujore në Finlandë

Instituti i Sizmologjisë i Universitetit të Helsinkit regjistroi katër shpërthime të pashpjegueshme nënujore në Gjirin e Finlandës, brenda ujërave territoriale ruse.

Shpërthimet, të cilat ishin me magnitudë 2.0, 1.5, 1.5 dhe 1.4 të shkallës Rihter, ndodhën të enjten e kaluar.

- Advertisement -

Shpërthimet ndodhën në orën 12:35, 14:02, 17:54 dhe 18:33 (me orën lokale). Një tjetër shpërthim i përmasave të ngjashme u regjistrua në të njëjtën zonë të premten.

Ekspertët finlandezë theksojnë se nuk mund të dinë saktësisht se çfarë i shkaktoi shpërthimet. Nëse është eksploziv, sasia duhet të jetë 50-100 kg. Incidenti vjen pas sabotimit të tubacioneve të gazit natyror “Nord Stream” në fillim të shtatorit në brigjet e Danimarkës.

- Advertisement -

Një hetim paraprak për dëmtimin e tubacioneve rezultoi se rrjedhjet ishin shkaktuar nga “shpërthime të fuqishme”.

Gazeta suedeze Expressen raportoi se një seksion prej të paktën 50 metrash i mungon gazsjellësit “Nord Stream 1.” Shkalla e dëmtimit dhe përjashtimi i shkaqeve të tjera si fatkeqësia natyrore apo aksidenti çojnë në vlerësimin e sabotimit.

Sidoqoftë, zyrtarët danezë nuk kanë qenë në gjendje ta lidhin përfundimisht sabotimin me ndonjë faktor specifik, por ata e drejtojnë gishtin në drejtim të Rusisë.

- Advertisement -
Të fundit
- Advertisement -
Lajme të lidhura
- Advertisement -