11.9 C
Pristina
Sunday, February 25, 2024

2 të rinjtë “heronj” në Greqi/ Shpëtuan 26 pasagjerë nga përplasja e trenave

- Advertisement -

“Nuk mendoja për asgjë tjetër veçse të ndihmoja bashkëqytetarët e mi”. Me këto fjalë, 18-vjeçari grek Angelos Tsiamouras përshkruan për gazetën “Peloponnisos” atë që po i kalonte në mendje teksa përpiqej të ndihmonte njerëzit në trenin me pasagjerë që u përplas me një tjetër tren komercial mbrëmjen e së martës.

- Advertisement -

Gjatë fundjavës, 18-vjeçari kishte qenë në Patra me shoqërinë e tij, Por fati e solli ballë për ballë me vdekjen. Ai ishte në vagonin nr.6 të trenit të pasagjerëve. “Ndiem tre goditje, njëra më e dobët se tjetra dhe e kuptuam menjëherë rrezikun ku ishim”, – tha ai.

“Nuk mendoja asgjë tjetër, përveçse duhej të ndihmoja njerëzit e mi. Së bashku me mikun tim Giorgos vrapuam tek vagonët 3 dhe 4 për të shpëtuar sa më shumë njerëz dhe së bashku me ekipet e shpëtimit arritëm të nxjerrim 16 persona. Gjithçka që mund të mendoja ishte se duhej të shpëtoja një person më shumë. Asgjë tjetër!

- Advertisement -

Në vagonin nr.3 pamë shumë të vdekur. Nuk mund të bëja, për fat të keq, shumë gjëra. Zjarri ishte përhapur. Vagoni nr.1 u shkatërrua menjëherë, vagoni nr.2 u shkrumbua nga zjarri. Unë nuk jam hero, mos më quani kështu. Unë thjesht po bëja detyrën time, ndaj shokëve të mi. U shpreh ngushëllimet më të thella familjeve të viktimave. Shpresoj që tani shteti të marrë përgjegjësitë e tij, në mënyrë që tragjedi të ngjashme të mos përsëriten në të ardhmen” – tha i riu.

“Ishte si një ferr i zjarrtë” – tha 18-vjeçari. Por ai nuk ishte i vetmi hero i kësaj tragjedie.

Mediat greke kanë zbuluar edhe rastin e një 20-vjeçari që ka mundur të thyejë vetë xhamin dhe të shpëtojë të paktën 10 të rinj, djem dhe vajza. Andreas Alikaniotis doli thuajse i padëmtuar nga vagoni i dytë dhe duke sfiduar rrezikun, zjarrin e madh që shpërtheu pranë tij, donte të shpëtonte njerëzit. Dhe ia doli.

- Advertisement -

Nga aksidenti humbën jetën 47 persona. Kërkimet vijojnë për të tjerë viktima.

- Advertisement -
Lajmet e fundit
- Advertisement -
Lajme të lidhura
- Advertisement -